|
Harini mwa mahadisi na madisi yaamɓilwa rangu hale,
pvwakaya tsalinu, yatsuparoruɗi huamɓilwa.
Mahala ya ntsi yilona ɓahari leo, hale yikana mdji.
Pvakaya mdji hule na emidji ya saya, pvawaswili mndru msfarini. Halafu emdjeni uwo haka na nyora nkuu,
nyora ikao :
ko mndru yadjoshinɗa ya rongoleye pvatsina utaɓiha ekomio.
Yewaswili ho-mdjini ila, haono mndru mɗuhazi mengoni mwa wandru waɗuhazu ho-friapadjuu, hamwaɓia :
- Tafadhwali kwezi, kutsina madji ya hunwa kwezi ?
Ola mndru mɗuhazi hamdjiɓu :
- Kantsi utrawe ledjua, ɓa ntsudjua ngoenɗo ndapva !
- Antsaho madji ya hunwa, kamtsina ? Hakazana lesuala
- Ɓo kantsi hau utrawe, kutsuona ka ngasi hari mwa mahadisi kwezi !
Hamdjiɓu ha fidjo na bwiri ya uendjeza emaoni yahe, usoni mo wasaya.
Wala wandru wakazana emahadisi.
Pvahe haɓakia n'enyora yahe.
Ola mdjeni haɗungu endzia haparisa mndru-mme yakana kopwa la madji, hamuzisa :
- Tafadhwali kwezi kutsina madji ya hunwa kwezi ?
Ola mndru-mme hamdjiɓu :
- Yanu madji ya usiwaki, ngoyatsaho ?
- Â-â, antsaho e ya hunwa, kutsina kwezi ?
Ola mndru-mme, ha bwiri na urahatsa emihono n’ouso yahe, hamdjiɓu :
- Eka kutsuyatsaha, yapvo en’zaho ! hatri emadji yala ho-pvontsi, haɗungu letrengwe lahe.
Halafu emdjeni ola, hazungulia tsena n’enyora ila, ili yaparise mba hindru ya hunwa.
Hazungulia na uzungulia ! Sha haina mndru hakana ndrogo za ufanya.
Ha hundru wandru-waume wakuishilia mahadisi tsena,
wa saya wakauzina ngoma tsena,
ngapvo wakaukalantsiza letrurufu,
na wandradji hari mwa mashinɗano tsena.
Hazungulia hata kadjaparisa mndru yakana hadja n'enyora yahe.
| 1/2 |
 |
|
