Mdzadze wa Mhamadi

   Masikini mdzadze mdzima
   Eshiɗa sha haho shinipvenua shinipvama
   Outaɓifu wa mezi shenɗa wa daima
   Honizaya huono shiɗa ho-ntsini mo udzima.

   Masikini mdzadze zeruku za maha miyili ya mashanyiri
   Leɓora la haho linisiusa za kweli nilo utadjiri
   Huêshi ha taâɓu sha ntsuɗiwaza e za hairi
   Huremwa ni djua na mvuna no ili utsinihuɓiri

   Kapvatsi dja we duniani tsiwamɓia
   Ɓo mdza, emadjimɓo n'emashairi zo waswia wa owaɗe
   Wandrema mezi miraru huhonɗo hwangamia
   Na dukutera Zedi ho Mbeni nɗe yanangalia.

   Ɓo mdza, hunipvahiza nasome sha eroho yinadama
   H'esuɓiri ya haho ngamdjo uredjei ha salama
   Na mi ngamdjohwalaza nuwuɓaye matso daima
   Na nganiwomɓo mngu nitimizi emisomo pvatsina lawama.

                  SAID HASSANE Mohamed